石庫門弄堂風情：
寧波阿娘
作者、誦讀：秦來來
審閱、推薦：丁迪蒙
編輯：王乙其
阿拉樓下廂房間里住了一位寧波阿娘。因為兒子死得早，后來伊領了一個小囡，阿娘勿拿伊當兒子，而是當孫子。格個小囡屬龍，阿娘就搭伊起名叫小龍；阿娘娘家姓王，格個小囡也就姓王了，大名就叫王小龍。王小龍、王小龍，阿娘是望伊早日成龍！
儂勿要講，迪個小囡倒真的老爭氣個，小學畢業(yè)，考進華師大二附中；高中畢業(yè)，保送清華大學；大學唔沒畢業(yè)，又由學堂保送伊到美國留學。從小學到大學，學費全部由國家負擔，所以阿娘一直搭小龍講，“阿娘唔沒文化，儂有今朝，合眾儕是靠共產(chǎn)黨，儂冇（勿要）忘記！”
前二年，小龍從美國回來，搭阿娘講，伊學的專業(yè)是火箭工程，現(xiàn)在要到北京工作一腔辰光，叫阿娘自己保重！
阿娘曉得以后，格種開心的樣子，講勿像、話勿像。只要電視新聞里看到衛(wèi)星上天的消息，第二天碰著人家，勿管認得還是勿認得，伊就要搭人家講，“倷看見伐，昨么電視里，阿拉衛(wèi)星又上天來。”
我總歸要搭伊尋尋開心，“上天么哪能呢？”
“格個火箭，阿拉小龍造的！火箭，儂曉得伐。就是屁股下頭點火的。嘭！火箭到月亮去來；嘭！火箭到火星去來……”
“格么阿娘，挨下來'嘭’到啥地方去？”
“我也唔沒'嘭’，儂瞎'嘭’有啥'嘭’頭？”
“對對對，格個'嘭’只好儂來'嘭’；格么挨下來倷孫子格只火箭要放到啥地方去？”
“嘭！格記要放到太空賓館。”
“啊？太空也有賓館？”
“咋會唔沒？舊年介10月份，嘭，一記，拿三個人送到太空賓館，當中還有一個小姑娘，伊勒了太空賓館里還幫小朋友上課。及拉要來該上頭登六個號頭，格個勿是賓館是啥東西？”
寧波阿娘拿太空艙當賓館，錯倒也勿好算錯。
前二日，小龍來信，要接阿娘到北京去，趁伊放假，陪阿娘到北京白相一跶。阿娘開心煞了，我搭伊講，“阿娘，我去幫儂買火車票，現(xiàn)在高鐵乘了海老適意個，外加只要6個鐘頭就到北京了。”
“6個鐘頭？太慢來。”
“格么，我?guī)蛢z去買飛機票，二個鐘頭到北京。”
“2個鐘頭？太慢來。”
“2個鐘頭還慢，格是唔沒別的辦法了。”
啥人曉得阿娘笑嘻嘻搭我講，“啥人講唔沒辦法；我的孫子勿是造火箭的么，我就乘火箭來！”
講完仔，阿娘笑得來，兩只眼睛也尋勿著了。
作者、誦讀：秦來來
丁迪蒙
迪蒙，啟迪蒙昧者也。上海市人。原上海大學中文系教師，多年來一直致力于滬語和海派文化的傳承。
滬語是吳方言的代表方言，是吳儂軟語的典范。她既可以用來拉家常，也同樣可以用來朗讀各類詩歌散文。
滬語完全可以書寫，同粵語可以寫作是一樣的。本平臺所有文章都是經(jīng)過改寫后，用滬語來演繹的，漢字書寫也是正確的。
丁迪蒙所撰寫的，與滬語相關的著作主要有：
《學說上海話》上海科技文獻出版社
《聽聽說說上海話》少年出版社
《實用滬語》復旦大學出版社
《上海話繞口令》少兒出版社
《上海方言詞語使用手冊》上海教育出版社
《上海話讀成語故事》少兒出版社
《囡囡學童謠》，少兒出版社。
來源：“海上夢疊”公眾號
